“Fənərbağça” klubu Dieqo Rossini birdəfəlik transfer edib
Bakı, 15 aprel, AZƏRTAC
İstanbulun “Fənərbağça” klubu 2021/2022-ci il mövsümünün əvvəlində “Los-Anceles Qalaksi”dən icarəyə götürdüyü Dieqo Rossini birdəfəlik transfer edib.
AZƏRTAC xəbər verir ki, bu barədə İstanbul təmsilçisinin rəsmi saytı məlumat yayıb.
“Fənərbağça” 24 yaşlı hücumçu ilə üçillik müqavilə imzalayıb. Klub bu transfer üçün ABŞ təmsilçisinə 5,5 milyon avro ödəyib.
Uruqvaylı futbolçu cari mövsüm “Fənərbağça”da keçirdiyi 25 oyunda 4 qol vurub.
Bölmənin digər xəbərləri
