“Fənərbağça” səfərdə “Konyaspor”u məğlub edib
Bakı, 9 mart, AZƏRTAC
Martın 8-də futbol üzrə Türkiyə çempionatının XXIX turunun sonuncu qarşılaşmasında “Fənərbağça” səfərdə “Konyaspor”un qonağı olub.
AZƏRTAC xəbər verir ki, qarşılıqlı hücumlar şəraitində keçən görüşdə İstanbul təmsilçiləri rəqiblərinin qapısından üç cavabsız top keçiriblər. “Fənərbağça”nın qollarını Atilla Szalai, Osayi Samuel və Sərdar Əziz vurub.
Günün digər matçında “Trabzonspor” öz meydanında “Alanyaspor”a 1:3 hesabı ilə uduzub. “Göztəpə” isə doğma divarlar arasında “Ərzurumspor”u 3:1 hesabı ilə üstələyib. “Antalyaspor” - “Kasımpaşa” matçında isə qalib müəyyənləşməyib - 1:1.
Hazırda Türkiyə Superliqasının turnir cədvəlinə 60 xalla “Beşiktaş” başçılıq edir. İkinci pillədə 58 xalla “Qalatasaray”, üçüncü pillədə isə onunla eyni xal toplayan “Fənərbağça” qərarlaşıb.
Bölmənin digər xəbərləri
