İDMAN
Fərid Qayıbov: Bu il Şuşa yenidən şahmat yarışlarını qəbul edəcək
![Fərid Qayıbov: Bu il Şuşa yenidən şahmat yarışlarını qəbul edəcək](/files/2023/2/1200x630/16865704473962915292_1200x630.jpg)
Şuşa, 12 iyun, Leyla Muradzadə, AZƏRTAC
Yenidən Şuşada beynəlxalq tədbir keçirilir. Dünən "Əziz Şuşa" beynəlxalq velosiped yarışının sonuncu mərhələsinin marşrutu Şuşa şəhəri idi. Baxmayaraq ki, dünən hava şəraiti dəyişmişdi, yarış uğurla sona çatdı. Lakin dünən yağan dolu bu gün keçirilən basketbol yarışının meydançasında bir az problemlər yaratdı. Azərbaycan Basketbol Federasiyasının əməkdaşlarının köməyi ilə problem aradan qaldırılıb.
AZƏRTAC xəbər verir ki, bu sözləri gənclər və idman naziri Fərid Qayıbov iyunun 1-də Şuşada jurnalistlərə müsahibəsində deyib.
Şuşada daha bir idman yarışının keçirilməsinin sevindirici hal olduğunu bildirən nazir bu il burada şahmat yarışlarının yenidən təşkil ediləcəyini vurğulayıb.
Qeyd edək ki, Şuşada 3x3 basketbol üzrə dünya qadın seriyasının mərhələ yarışı keçirilir. Turnirdə A qrupunda Almaniya, Rumıniya, Türkiyə milli komandaları, “Neftçi” (Bakı) klubu, B qrupunda isə Niderland, Macarıstan, Azərbaycan seçmələri və Yaponiyanın G FLOU komandası mübarizə aparırlar.