REGİONLAR
FERMER TƏSƏRRÜFATLARININ İNKİŞAFINI DƏSTƏKLƏMƏK ÜÇÜN
TASİS proqramı bu ilin fevralında RARP-1 layihəsinin davamı olan “Aqrar sektorda bank fəaliyyətinin dəstəklənməsi” layihəsinin üçünçü mərhələsini həyata keçirməyə başlayacaqdır.
Proqramın Azərbaycan nümayəndəliyinin məlumatına görə, həmin layihə çərçivəsində TASİS-in yaratdığı və nizamnamə kapitalı 5 milyon dollar olan aqrar-kredit fondunu 2 il ərzində özəlləşdirmək nəzərdə tutulur. Lakin Azərbaycan hökuməti ilə əldə edilmiş sazişə əsasən, fondun səhmlərinin müəyyən hissəsi dövlətin sərəncamında qalacaqdır.
Bankdankənar kredit təşkilatı olan bu fond özəlləşdirmə nəticəsində depozit qəbul edən banka çevriləcəkdir. Fəaliyyətə başladığı gündən fondun fermer təsərrüfatlarına dair 60-dək layihəni maliyyələşdirdiyi nəzərə alınarsa, güman etmək olar ki, üçüncü mərhələnin həyata keçirilməsi aqrar sektorun daha sürətlə inkişafına təkan verəcəkdir.