FHN: Beşbarmaq dağında köməksiz vəziyyətdə qalan şəxs xilas edilib
Bakı, 22 avqust, AZƏRTAC
Fövqəladə Hallar Nazirliyinin (FHN) 112 - qaynar telefon xəttinə Siyəzən rayonunun Zarat qəsəbəsi ərazisində Beşbarmaq dağında köməksiz vəziyyətdə qalan bir nəfərin xilas edilməsi üçün müraciət daxil olub.
AZƏRTAC FHN-in saytına istinadla xəbər verir ki, məlumatla əlaqədar nazirliyin Dövlət Yanğından Mühafizə Xidmətinin xilasetmə qüvvələri əraziyə cəlb edilib. Həyata keçirilən təxirəsalınmaz tədbirlər nəticəsində vətəndaş dağdan düşürülüb. O, halsız vəziyyətdə olduğu üçün Təcili və Təxirəsalınmaz Tibbi Yardım Xidmətinin həkim briqadasına təhvil verilib.
Bölmənin digər xəbərləri
