FHN-in Aran Regional Mərkəzində mülki müdafiə kursları təşkil olunub
Bakı, 15 sentyabr, AZƏRTAC
Fövqəladə Hallar Nazirliyinin (FHN) Aran Regional Mərkəzi tərəfindən onun əhatə etdiyi ərazi üzrə şəhər və rayon ümumtəhsil orta məktəblərinin və onlara bərabər tutulan təhsil müəssisələrinin mülki müdafiə fənnini tədris edən 2, 5 və 6-cı sinif rəhbərləri üçün kurslar keçirilib.
Nazırliyin mətbuat xidmətindən AZƏRTAC-a verilən məlumata görə, tədbirlərdə FHN-in Aran Regional Mərkəzinin, Elm və Təhsil Nazirliyinin Gəncə - Daşkəsən və Mərkəzi Aran Regional Təhsil idarələrinin, şəhər və rayon təhsil sektorlarının və regionda fəaliyyət göstərən mərkəzi xəstəxanaların əməkdaşları iştirak ediblər.
Tədbirin keçirilməsində məqsəd məktəblərdə mülki müdafiəni tədris edən sinif rəhbərlərinin bu sahə üzrə bilik və bacarıqlarının artırılması olub.
İki minə yazın müəllimin cəlb olunduğu toplantıda iştirak edən dinləyicilərə fərdi mühafizə vasitələrindən istifadə, təbii və texnogen xarakterli fövqəladə hadisələr zamanı düzgün davranış, təxliyə planlarının hazırlanması qaydaları, mülki müdafiə, yanğın və texniki təhlükəsizlik tədbirləri haqqında ətraflı məlumatlar verilib, mövzularla bağlı hazırlanmış fotoslayd və videoçarxlar nümayiş olunub.
Tədbir iştirakçılarını maraqlandıran suallar cavablandırılıb.
Bölmənin digər xəbərləri
