FHN: Ötən sutka ərzində yeddi nəfər xilas edilib
Bakı, 18 noyabr, AZƏRTAC
Ötən sutka ərzində Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən 25 halda yanğına çıxış, 5 halda köməksiz vəziyyətdə qalma və 1 intihara cəhd ilə bağlı qəza-xilasetmə əməliyyatları həyata keçirilib.
FHN-in mətbuat xidmətindən AZƏRTAC-a bildiriblər ki, görülmüş təcili və təxirəsalınmaz tədbirlər nəticəsində yanğınlar operativ qaydada söndürülüb, insanların həyatı xilas olunub. Sutka ərzində nazirliyin qüvvələri tərəfindən 1-i azyaşlı olmaqla 7 nəfər, o cümlədən paytaxtın Xətai rayonunda intihara cəhd edən bir nəfər xilas olunub.
Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.
Bölmənin digər xəbərləri
