FIBA Çempionlar Liqasının pley-in görüşü Bakıda keçiriləcək
Bakı, 28 dekabr, AZƏRTAC
FIBA Çempionlar Liqasında Türkiyənin "Aliağa Petkim Spor" və İsrailin "Hapoel Holon" klubları arasında pley-inin ilk oyunu Bakıda təşkil olunacaq.
Azərbaycan Basketbol Federasiyasından AZƏRTAC-a verilən məlumata görə, "Aliağa Petkim Spor"un rəqibi olan "Hapoel Holon" komandası İstanbula gəlmək istəməyib və bu halda görüşün neytral meydanda keçirilməsi nəzərdə tutulub.
Matç yanvarın 7-də hər iki tərəfin razılığı əsasında Bakı İdman Sarayında reallaşacaq.
Qeyd edək ki, əgər pley-in görüşlərində hesab bərabər olarsa, yanvarın 22-də 3-cü oyun da məhz Bakıda baş tutacaq.
Bölmənin digər xəbərləri
