FİDEL KASTRO “FORBS” JURNALINDAN ÜZRXAHLIQ TƏLƏB ETMİŞDİR

25.05.2006 [18:42]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Fidel Kastro bu yaxınlarda onu dünyanın ən zəngin dövlət başçıları sırasına daxil edən ABŞ-ın “Forbs” jurnalından açıq üzrxahlıq tələb etmişdir. Kuba lideri televiziya proqramında çıxışında demişdir ki, jurnalın redaktoru ya ondan üzr istəməli, ya da bu məlumatın təsdiqini verməlidir.

Kastronun fikrincə, jurnal ona qarşı çox ciddi ittihamlar irəli sürdüyü üçün redaksiya müvafiq izahatla çıxış etməlidir.

Bununla Kastro “Forbs” jurnalının ayın əvvəlində açıqladığı dünyanın 10 ən zəngin dövlət başçısı siyahısına yenidən münasibət göstərmişdir. Siyahıda Kuba liderinə guya iri dövlət şirkətlərinə nəzarət hesabına əldə etdiyi 900 milyon dollar sərvətlə 7-ci yer verilmişdir.

F.Kastro ilk etiraz çıxışında bildirmişdi ki, onun böyük sərvətə sahib olması sübuta yetirilərsə, dərhal istefa verməyə hazırdır. Jurnaldakı məlumatı böyük ağılsızlıq və ağ yalan adlandıran Kastro demişdir: “Qoy sübut etsinlər ki, mənim xaricdəki hesablarımda 900 milyon dollar, yaxud, heç olmazsa, 1 dollar var”.

FİDEL KASTRO “FORBS” JURNALINDAN ÜZRXAHLIQ TƏLƏB ETMİŞDİR

MÜƏLLİFLƏ ƏLAQƏ

Bölmənin digər xəbərləri