Finlandiya parlamenti rusdilli təhsilin gələcəyini müzakirə edir
Stokholm, 19 fevral, Nərgiz Cəfərli, AZƏRTAC
Rusiyanın Ukraynaya qarşı müharibəsinin başlamasından bəri rus dilini öyrənməyə marağın azalması Finlandiyada narahatlıq doğurur. Ticarət perspektivlərinin demək olar ki, tamamilə olmamasına baxmayaraq, ekspertlər və siyasətçilər rus dilinin bilməsinin müdafiə və diplomatiya üçün strateji əhəmiyyət kəsb etdiyini vurğulayırlar.
AZƏRTAC xəbər verir ki, parlamentdə İsveçlə, xüsusən də onilliklərdir ordu üçün rusdilli mütəxəssislər hazırlayan İsveç Hərbi Tərcüməçilər Məktəbi ilə əməkdaşlıq imkanlarını müzakirə edir.
Rus dilini bilən mütəxəssislərin çatışmazlığı Finlandiya parlamentarilərində narahatlıq doğurur. Parlament üzvü Aleksi Yantti qeyd etdi ki, Rusiya Finlandiyanın qonşusu olaraq qalacaq və buna görə də dil bacarıqlarının itirilməsi gələcəkdə ciddi problemlər yarada bilər.
Finlandiyanın Müdafiə Nazirliyinin tərkibində dil mərkəzi var, lakin orada əsasən İsveçdə olduğu kimi çağırışçılar deyil, kadr zabitləri yetişdirilir.
Helsinki resursların təkrarlanmasının qarşısını almaq üçün Skandinaviya əməkdaşlığının potensialını araşdırır.
Norveç, Danimarka və İsveçdən olan diplomatlar əməkdaşlığın dərinləşdirilməsi ideyasını dəstəkləyir və rus dilinin bilməsinin milli təhlükəsizlik məsələsi olduğunu vurğulayırlar.
Bölmənin digər xəbərləri
