Finlandiya Rusiya ilə sərhəddə tikilən səddin birinci hissəsini tamamlayıb
Bakı, 22 may, AZƏRTAC
Finlandiya Rusiya ilə sərhəddə 4,5 metr hündürlüyündə səddin ilk 35 kilometrində tikinti işlərini tamamlayıb.
AZƏRTAC xəbər verir ki, “Euractiv” portalı bu barədə Finlandiyanın Sərhəd Xidmətinə istinadla məlumat yayıb.
Finlandiya ötən il Rusiya ilə ümumi uzunluğu 1344 kilometrlik sərhədin 200 kilometrini əhatə edəcək səddin inşasına başlayıb. Helsinki səddin Rusiya ilə sərhəddən ölkəyə daxil olan miqrant axınının qarşısını almaq üçün inşa edildiyini bildirib. Finlandiya hökumətinin fikrincə, miqrasiya axını Moskva tərəfindən qəsdən təşkil edilir.
Finlandiya, həmçinin Rusiya ilə sərhədi nəzarət altında saxlamaq üçün süni intellektdən, gecəgörmə və infraqırmızı işıqlandırma funksiyaları ilə təchiz olunmuş kameralardan istifadə etmək niyyətindədir.
Bölmənin digər xəbərləri
