Fiziki şəxsdən mənzil qeyri-nağd yolla alınarsa, ƏDV-nin faizi geri alınırmı?
Bakı, 22 may, AZƏRTAC
İpoteka yolu ilə şirkətdən deyil, fiziki şəxsdən mənzil qeyri-nağd yolla alınarsa, ƏDV-nin faizini geri almaq mümkündürmü?
AZƏRTAC xəbər verir ki, Vergi Məcəlləsinin 165.6-cı maddəsinə əsasən, fiziki şəxs olan istehlakçılar tərəfindən Azərbaycan Respublikasının ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin 30 faizi alıcıya geri qaytarılır.
Qeyd olunan mənzil bina tikintisi fəaliyyəti ilə məşğul olan şəxslərdən alınmadığı üçün ƏDV-nin geri qaytarılması mümkün deyil.
Həmçinin nəzərə çatdırılıb ki, fiziki şəxslər tərəfindən mülkiyyətində olan yaşayış sahələrinin təqdim olunması ƏDV-yə cəlb olunmur və notariuslar tərəfindən alqı-satqı zamanı ödəmə mənbəyində sadələşdirilmiş vergi tutulur.
Bölmənin digər xəbərləri
