“Force İndia” öz pilotlarından razıdır
Bakı, 25 iyun, AZƏRTAC
“Force İndia” komandasının rəhbərinin müavini Bob Fernli bildirib ki, komanda öz pilotlarından tamamilə razıdır. Hərçənd, meksikalı Serxio Peres 2016-cı il mövsümündə iki dəfə podiuma çıxıb, alman Hiko Hyulkenberq isə öz karyerasında bircə dəfə də olsa “Formula-1” yürüşlərinin finiş xəttinə ilk üçlükdə çatmayıb.
AZƏRTAC championat.com saytına istinadla bildirir ki, Bob Fernlinin sözlərinə görə, son illərdə hər iki pilot yaxşı nəticələr göstərir. O deyib: “Pilotlarla bağlı heç bir problemimiz yoxdur, onlar bir-birini çox yaxşı tamamlayır”.
B.Fernli daha sonra deyib: “Hər yürüşçünün özünəməxsus pilotluq üslubu var və bu, mühəndislərin boliddən maksimum nəticə almasına imkan verir. Peresin bəxti daha çox gətirib, Hyukenberqdə isə bunun əksi müşahidə olunur”.
Bölmənin digər xəbərləri
