Fransa Futbol Federasiyası İnfantinonu dəstəkləməkdən imtina edib
Bakı, 9 sentyabr, AZƏRTAC
Fransa Futbol Federasiyası FIFA prezidentliyinə növbəti seçkilərdə təşkilatın hazırkı rəhbəri Canni İnfantinonun namizədliyini dəstəkləməyəcək.
AZƏRTAC “France-Presse” agentliyinə istinadla xəbər verir ki, qərar sentyabrın 10-da federasiyanın İcraiyyə Komitəsinin iclasından sonra açıqlanacaq.
Qeyd edək ki, FIFA bir müddət öncə dünya çempionatı da daxil olmaqla, öz bayrağı altında keçirdiyi yarışlardakı paylarının özəl investorlara satılması imkanını nəzərdən keçirib. Lakin UEFA və digər futbol təşkilatlarının təzyiqindən sonra İnfantino bu təşəbbüsdən imtina edib. Bu vəziyyət ali qurumun rəhbərliyinə təzyiqləri artırıb və bir sıra milli assosiasiyaların quruma etimadının azalmasına səbəb olub.
FIFA-da prezident seçkiləri təşkilatın 2027-ci ilin martında Mərakeşdə keçiriləcək konqresində baş tutacaq.
İnfantino 26 fevral 2016-cı ildən FIFA prezidentidir.
Bölmənin digər xəbərləri
