Fransa hərbçilərini Burkina-Fasodan çıxarır
Bakı, 26 yanvar, AZƏRTAC
Burkina-Faso hökumətinin tələblərini nəzərə alaraq, Fransa bir ay ərzində hərbçilərini bu ölkədən çıxaracaq.
AZƏRTAC xəbər verir ki, bu barədə Fransa Xarici İşlər Nazirliyi məlumat yayıb.
Bildirilib ki, proses iki ölkə arasında 2018-ci ildə imzalanmış müqavilənin Burkina-Faso tərəfindən ləğv edilməsinə uyğun olaraq həyata keçiriləcək.
Hazırda Burkina-Fasoda 400 Fransa hərbçisi xidmət edir. Onlar fevralın sonunadək ölkədən çıxarılacaq. Hərbi texnikanın və avadanlıqların çıxarılması isə aprelin sonlarında başa çatacaq.
Qeyd edək ki, ötən həftə Burkina-Faso hökuməti Fransadan hərbçilərini ölkədən çıxarmağı tələb etmişdi.
Bölmənin digər xəbərləri
