FRANSADA ƏSGƏR ODLU SİLAHDAN DİNC TAMAŞAÇILARA ATƏŞ AÇARAQ 17 NƏFƏRİ YARALAMIŞDIR
AZƏRTAC-ın xüsusi müxbiri xəbər verir ki, Fransanın Karkossanda şəhərindəki kazarmaların birində təlim məşqi keçən əsgərlərdən biri onların məşqinə toplaşmış tamaşaçılara avtomat silahdan atəş açmışdır. Nəticədə 17 nəfər yaralanmışdır. Onlardan dörd nəfərinin vəziyyətinin ağır olduğu bildirilir. Yaralılar arasında 5 azyaşlı uşaq da vardır. Üç yaşlı uşaq ürək nahiyəsindən və ayağından yaralanmışdır.
Boş gilizlər əvəzinə dolu patronlardan istifadə etmiş əsgər dərhal həbs olunmuşdur. İlkin fərziyyəyə görə, onun silahdan düzgün istifadə etməməsi faciəyə səbəb olmuşdur.
Hadisəyə görə piyada qoşunların baş qərargah rəisi general Bruno Küş istefa vermişdir. Prezident Nikola Sarkozi onun istefasını qəbul etmişdir.
Nikola Sarkozi baş vermiş hadisəni pisləmiş və onun səbəbinin araşdırılması və bu barədə şəxsən onun özünün məlumatlandırılması barədə Müdafiə Nazirliyinə göstəriş vermişdir.
Bölmənin digər xəbərləri
