FRANSADA MİLYARDÇILARIN SAYI 16 NƏFƏRƏ ÇATMIŞDIR
AZƏRTAC-ın xüsusi müxbiri xəbər verir ki, Fransada milyardçıların sayı 16 nəfərə çatmışdır. Ölkədə milyardçıların siyahısına Bernar Arnolt başçılıq edir. Onun var-dövlətinin 25,5 milyard məbləğində olduğu bildirilir. Avropadakı 288 milyardçının siyahısında B. Arnolt 13-cü yeri tutur. Ondan sonra gələn dünyanın ən varlı qadınlarından biri hesab edilən Lilian Betankurs 22,3 milyardı ilə Fransada 2-ci, Avropada isə 17-ci yerdədir. Bu xanım dünyanın milyardçı qadınları siyahısına başçılıq edir. Sonrakı yerlərdə Fransua Pino (16,9 milyard), Alən və Jerar Uerheymer qardaşları (12,9), Serj Dassue (9,9), Jan-Klod Deso (5,9) gəlir. Fransada Buyuk rabitə qovşağının sahibləri Martən və Olivye Buyuk qardaşları 4,5 milyardlıq varidatları ilə siyahıda 7-ci yeri tuturlar. Digər 9 milyardçının varı 2,9 milyardla 1,5 milyard araında hesablanır.
Avropada ən varlı adam isveçli İnkvar Komprad hesab edilir. 31 milyard dollarla o, dünya milyardçıları arasında 31-ci yeri tutur.
Dünyanın milyardçı qadınları sırasında Livanın mərhum baş naziri Rafik Haririn qızı Hind Haririnin və türkiyəli Doğan Faralyilin adı çəkilir. Onların hər birinin varidatının 1,1 milyard məbləğində olduğu bildirilir.
Bölmənin digər xəbərləri
