Fransada son sutka ərzində 7017 yoluxma və 24 ölüm faktı qeydə alınıb
Paris, 3 sentyabr, AZƏRTAC
Fransada son bir gün ərzində COVID-19 epidemiyasına yeni yoluxanların sayı 7017-yə, ölənlərin sayı isə 26-ya çatıb.
AZƏRTAC xəbər verir ki, bu haqda Baş Səhiyyə İdarəsi məlumat yayıb.
Bildirilib ki, xəstəxanalarda olan 4 632 koronavirus xəstəsindən 446-sı ağır vəziyyətdə reanimasiya şöbələrindədir, onlardan 22-si son sutka ərzində daxil olub.
İl-dö-Frans regionunda son sutka ərzində 14 ölüm faktı qeydə alınıb və xəstəxanalara daxil olan 2284 yeni xəstənin 70 faizi reanimasiyaya yerləşdirilib.
COVID-19 infeksiyasının son həftə ərzində 25-35 yaş arasında olan insanlarda daha çox tüğyan etdiyi vurğulanır.
Ölkədə aşkarlanın 384 qrup yoluxmasından 39-u son sutkada qeydə alınıb.
Qeyd edək ki, Fransada COVID-19 epidemiyası başlayandan 293 024 nəfərin yoluxduğu təsdiqlənib, 30 686 ölüm faktından 10 514-ü qocalar evlərində, 20 172-si isə xəstəxanalarda qeydə alınıb.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
