FRANSADA YOL QƏZALARININ SAYI ARTMIŞDIR

18.04.2004 [14:03]
Çap et
A⁺ A^-

AZƏRTAC-ın xüsusi müxbiri xəbər verir ki, Fransada yaz tətili ilə əlaqədar magistral yollarda avtomobillərin hərəkətinin artması bədbəxt hadisələrin sayının çoxalmasına səbəb olmuşdur.

Lüksemburq-Metz yolunda Mozel şəhərinin yaxınlığında sürətlə hərəkət etmiş iki maşın toqquşaraq qəzaya uğramışdır.Nəticədə 3 nəfər elə hadisə yerindəcə həlak olmuş və bir nəfər isə ağır yaralanmışdır.

Ölkənin cənubunda Komne yaşayış məntəqəsinin yaxınlığında isə bir avtobus və 3 minik maşını toqquşmuşdur. Xoşbəxtlikdən ölən olmamış, 12 nəfər müxtəlif dərəcəli xəsarət almışdır.Hadisə yerinə gəlmiş xilasedicilər onları yaxınlıqdakı Lion şəhərinin xəstəxanasına çatdırmış və onlara ilkin tibbi yardım göstərilmişdir.Həkimlər onlardan üçünün vəziyyətinin ağır olduğunu bildirmişlər.

Qəzanın nəticəsində yolda maşınların hərəkəti bir neçə saatlığa dayanmışdır. Yol polisi hər iki qəzanın səbəbini araşdırır.