FTB Meksikada oğurlanan dörd amerikalını axtarır
Bakı, 6 mart, AZƏRTAC
Federal Təhqiqatlar Bürosu (FTB) Meksikada silahlı şəxslər tərəfindən oğurlanan dörd amerikalını axtarır.
AZƏRTAC xəbər verir ki, ABŞ-ın Mexikodakı səfirliyinin saytında yerləşdirilən məlumata görə, FTB Meksikanın Tamaulipas ştatında Matamorose şəhərində dörd ABŞ vətəndaşına hücum edərək onları oğurlayanların şəxsiyyətini müəyyən etmək üçün ictimaiyyətdən kömək istəyib.
Təhqiqat işlərinə FTB-dən əlavə, ABŞ federal hakimiyyəti və Meksikanın hüquq-mühafizə orqanları da cəlb olunub. Vaşinqton qaçırılan vətəndaşlarının qaytarılması və cinayətkarların həbsi üçün 50 min dollar mükafat təyin edib.
Birləşmiş Ştatların diplomatik nümayəndəliyinin məlumatına görə, martın 3-də dörd amerikalı avtomobillə Meksikanın Tamaulipas ştatının ərazisinə daxil olub. Bundan sonra silahlı şəxslər onların avtomobilini atəşə tutub və amerikalıları naməlum istiqamətə aparıb.
Bölmənin digər xəbərləri
