Futbolçumuz Asim Əlizadənin komandası böyük hesablı məğlubiyyətə üzülüb
Bakı, 7 aprel, AZƏRTAC
Futbol üzrə Latviya çempionatında dördüncü turun matçları keçirilib.
AZƏRTAC xəbər verir ki, azərbaycanlı yarımmüdafiəçi Asim Əlizadənin formasını geyindiyi “Dauqavpils” də növbəti oyununa çıxıb. Komanda səfərdə “Liepaya” ilə qarşılaşıb və bu oyundan məğlubiyyətlə ayrılıb - 1:5.
A.Əlizadə də bu görüşün iştirakçısı olub. O, start heyətdə meydana çıxıb və 61-ci dəqiqədə əvəzlənib.
Qeyd edək ki, dörd turdan sonra 4 xalı olan “Dauqavpils” 10 iştirakçı arasında 6-cı pillədə qərarlaşıb.
Bölmənin digər xəbərləri
