Gecikmiş maliyyələşmə Liviyanın neft istehsalına zərbə vurub
Bakı, 20 aprel, AZƏRTAC
Hariga limanında infrastruktur işlərinin maliyyələşdirilməsinin gecikməsi səbəbindən aylar sonra Liviyanın neft hasilatı ilk dəfə gündəlik 1 milyon barreldən aşağı düşüb.
AZƏRTAC xəbər verir ki, Liviyanın “National Oil Corp.” (NOC) milli neft şirkəti Hariga limanından neft ixracı üçün fors-major vəziyyət elan edir. Şirkət Liviya Mərkəzi Bankının neft sektoru üçün maliyyə vəsaitinin sərbəst buraxmamasını əsas gətirib.
NOC açıqlamasında vəziyyətin “Arabian Gulf Oil Co.” kimi şirkətlərin borclarının artmasına və gündəlik 280 min barrel neft hasilatının dayandırılmasına səbəb olduğunu bildirib.
Qeyd edək ki, OPEC-ə üzv olan Liviyanın neft hasilatı Hariga limanı dayanmasından əvvəl sutkada 1,29 milyon barrel idi.
Bölmənin digər xəbərləri
