Gələcəkdə beynəlxalq səviyyəli gimnastika yarışlarında Azərbaycanı uğurla təmsil etmək istəyirəm
Bakı, 11 avqust, Göyçək Mahmudlu, AZƏRTAC
Çempionatdan əvvəl çətin və gərgin məşqlər keçirirdik. Qızıl medal almaqdan daha çox yaxşı çıxış elədiyimə və istədiklərimi bacardığıma sevinirəm.
Bu sözləri AZƏRTAC-a müsahibəsində bədii gimnastika üzrə 25-ci Azərbaycan çempionatı və Bakı birinciliyində fərdi proqram üzrə çoxnövçülük yarışlarında qızıl medal qazanan 2008-ci il təvəllüdlü Nərminə Bayramova deyib.
O, qalib olmaq üçün çox çalışmağın vacib olduğunu bildirib. Balaca gimnast qarşısına gələcəkdə daha uğurlu çıxış etmək, beynəlxalq səviyyəli yarışlarda Azərbaycanı layiqli təmsil etmək və idmanın bu növü üzrə dünyanın ən yaxşısı olmaq məqsədini qoyduğunu da diqqətə çatdırıb.
Bölmənin digər xəbərləri
