Gəmiçiliyin “qaynar xətti”nə 244 zəng daxil olub
Bakı, 19 may, AZƏRTAC
“Azərbaycan Xəzər Dəniz Gəmiçiliyi” QSC-nin (ASCO) Dənizçilər poliklinikasında koronavirusla bağlı yaradılmış (050) 274 30 82 nömrəli “qaynar xətt”inə fevralın 28-dən mayın 18-dək ümumilikdə 244 zəng daxil olub.
ASCO-dan AZƏRTAC-a bildirilib ki, onlardan 117-si koronavirus və karantin, 127-si isə müxtəlif suallarla əlaqəli olub. Müraciət edən şəxslərə psixoloji dəstək göstərilib, onlara tövsiyələr verilib.
QSC-yə məxsus “Dənizçilər Poliklinikası” MMC-də koronavirusla bağlı fəaliyyət göstərən “qaynar xətt” vətəndaşların maarifləndirilməsi, məlumatlandırılması və virusla bağlı suallarının cavablandırılması məqsədilə yaradılıb. Zənglər günün 24 saatı ərzində qəbul olunur və müraciətlər operativ şəkildə cavablandırılır.
Bölmənin digər xəbərləri
