GƏNC JURNALİSTLƏRİN MÜSABİQƏSİNƏ YEKUN VURULMUŞDUR
Gənclər, İdman və Turizm Nazirliyi və Azərbaycan Jurnalistlər Birliyinin, elektron informasiya vasitələri istisna olmaqla, müxtəlif kütləvi informasiya vasitələrində işləyən 18 yaşından 30 yaşınadək jurnalistlər arasında keçirdiyi müsabiqəyə yekun vurulmuşdur.
Ötən il sentyabrın 15-də elan olunmuş müsabiqədə 7 nominasiya üzrə 88 tematik yazı təqdim edən 28 jurnalist iştirak etmişdir. Gənclər, İdman və Turizm Nazirliyi, Mədəniyyət Nazirliyi, Yazıçılar Birliyi, Jurnalistlər Birliyi, Qadın Problemləri üzrə Dövlət Komitəsi, Milli Gənclər Təşkilatları Şurası nümayəndələrinin daxil olduğu münsiflər heyəti qalibləri müəyyən etmişdir. “Mənəvi tərbiyə və vətənpərvərlik” nominasiyasında Vəsilə Mövsümova (”Azad Azərbaycan” qəzeti), “Uşaq problemləri” nominasiyasında Rövşən Qəmbərov \”525-ci qəzet”\, “Elm və təhsil” nominasiyasında Zaur Məmmədov \”Naş vek” qəzeti), “Ədəbiyyat və incəsənət” nominasiyasında Nüşabə Hüseynova \”Bizim əsr” qəzeti), “Turizm” nominasiyasında Qabil Mehdiyev \”İdman” qəzeti\, “İdman” nominasiyasında Aydın Bağırov \”525-ci qəzet”\ qalib gəlmişlər. Gənc ailənin problemləri nominasiyasında qalib müəyyən olunmamışdır.
Qaliblərə 500 min manat məbləğində pul mükafatları və diplomlar təqdim edilmişdir. Müsabiqənin digər iştirakçılarına da Gənclər, İdman və Turizm Nazirliyinin diplomları təqdim olunmuşdur.
Bölmənin digər xəbərləri
