GƏNCƏ XƏBƏRLƏRİ
YENİ İŞ YERLƏRİ AÇILIR
Son illər aparılan yenidənqurma işləri nəticəsində “Gəncə Şərab -2” Səhmdar Cəmiyyətində mühüm nailiyyətlər qazanılmışdır. Yüksək keyfiyyətli məhsulları müxtəlif sərgilərdə mükafatlara layiq görülən müəssisə hazırda istehsal sahələrini genişləndirir. Bu günlərdə daha 30 nəfər üçün yeni iş yeri açılmışdır. Müəssisədə AzərTac-ın müxbirinə bildirmişlər ki, təkcə son 10 ay ərzində 250 nəfər işə qəbul edilmişdir. Onların hər birinin orta aylıq əmək haqqı 450 min manatdan çoxdur.
BEYNƏLXALQ FEDERASİYANIN NÜMAYƏNDƏSİ GƏNCƏDƏ SEMİNAR KEÇİRMİŞDİR
Beynəlxalq Şokatan Karate-do Federasiyasının baş təlimatçısı, 8-ci dan qara kəmər ustası Xitoşi Kasuya üç gün Gəncədə olmuş, respublikanın karateçiləri üçün seminar keçirmişdir. Seminardan sonra tanınmış karate mütəxəssisi 120-dən artıq idmançıdan karatenin kumite və kata növləri üzrə imtahan götürmüşdür. Onlardan 51 nəfəri idman dərəcəsi almışdır.
Bölmənin digər xəbərləri
