CƏMİYYƏT
Gəncədə evlərdən oğurluq etməkdə şübhəli bilinən şəxslər saxlanılıblar
Bakı, 17 fevral, AZƏRTAC
Cari ay ərzində Gəncə şəhəri ərazisində bir neçə evdən oğurluq edən şəxslər Kəpəz Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində saxlanılıblar.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, aparılan araşdırmalarla şəhər sakinləri, əvvəllər məhkum olunmuş Arzu Kərimovun və Mehdi Mahmudovun vətəndaşlara məxsus mənzillərə daxil olaraq, müxtəlif məbləğlərdə məişət və tikinti əşyalarını oğurladıqları müəyyən edilib.
Hər iki şəxs və maddi sübutlar istintaqa təhvil verilib.
Faktla bağlı Gəncə Şəhər Baş Polis İdarəsində cinayət işi başlanıb, araşdırmalar davam etdirilir.