Gəncədə “Gənclərlə iş sahəsində sektorlararası əməkdaşlıq” mövzusunda seminar keçirilir
Gəncə, 26 iyun (AZƏRTAC, Sabir Əliyev). Avropa İttifaqının Şərq Tərəfdaşlığı Regional Gənclər Bölməsinin layihəsi çərçivəsində Gənclər və İdman Nazirliyinin təşkilatçılığı ilə Gəncədə “Gənclərlə iş sahəsində sektorlararası əməkdaşlıq” mövzusunda iki günlük seminar öz işinə başlamışdır.
AZƏRTAC xəbər verir ki, 25 şəhər və rayondan 50-yə yaxın gəncin, eləcə də Gəncə Şəhər İcra Hakimiyyətinin, Gənclər Təşkilatları Milli Şurasının nümayəndələrinin iştirakı ilə keçirilən seminarda əsasən gənclərin məşğulluq problemləri, onların dövlət orqanlarında yeri və digər məsələlər ətrafında müzakirələr aparılmışdır.
Seminarda Gənclər və İdman Nazirliyinin gənclərlə iş sektorunun müdiri Fuad Babayev, Avropa İttifaqının Şərq Tərədaşlığı Regional Gənclər Bölməsinin layihə rəhbəri Hans Jurgen Maeth və eksperti Yan James Qoldrinq çıxış edərək mövzu ilə bağlı fikirlərini açıqlamışlar.
İyunun 27-də seminar iştirakçıları müzakirələri yerli idarəetmə orqanlarında işləyən gənclərlə davam etdirəcəklər.
Bölmənin digər xəbərləri
