GƏNCƏDƏ ZONA MÜŞAVİRƏSİ
AZƏRTAC-ın müxbiri xəbər verir ki, Respublika Dövlət Sosial Müdafiə Fondu Gəncədə 14 şəhər və rayonun yerli şöbələri rəhbərlərinin iştirakı ilə zona müşavirəsi keçirmişdir. Fondun sədri Səlim Müslümov cari ilin birinci rübündə yığılan sığorta ayırmalarının və debütor borcların vəziyyəti barədə məlumat vermiş, nöqsanlardan danışmışdır. Bildirilmişdir ki, regionda fəaliyyət göstərən şöbələrin zəif işi nəticəsində son üç ayda sığorta ayırmalarında 18 faiz kəsir yaranmışdır. Gəncə şəhərində və bir çox rayonlarda büdcə və qeyri-büdcə təşkilatlarının debütor borcları azalmaq əvəzinə artır. Bunun əsas səbəblərindən biri əhalinin iş yerlərinin dəqiq qeydiyyatdan keçirilməməsidir.
Müşavirədə nöqsanların aradan qaldırılması üçün rayon şöbələrinin rəhbərlərinə müvafiq tapşırıqlar verilmiş və işlərində ciddi dönüş yaratmaları nəzərlərinə çatdırılmışdır.
Bölmənin digər xəbərləri
