“GƏNCLƏR: ELM, TƏHSİL VƏ MƏDƏNİYYƏT”
3-cü Respublika Gənclər Forumunun birinci mərhələsinin üçüncü həftəsi bu şüar altında keçmişdir. Gənclər, İdman və Turizm Nazirliyinin mətbuat mərkəzindən bildirmişlər ki, həftə ərzində gənc rəssamların respublika müsabiqəsinin rayon (şəhər) mərhələləri, uşaqların və yeniyetmələrin elmi-texniki yaradıcılığının 2-ci respublika müsabiqəsinin zona mərhələləri, “Gənclər Azərbaycanın gələcəyidir” mövzusunda ən yaxşı inşa yazılarının müsabiqəsi və bir sıra digər tədbirlər keçirilmişdir. Tədbirlərdə nazirliyin əməkdaşları və gənclər təşkilatlarının nümayəndələri iştirak etmişlər.
Nazir Əbülfəz Qarayev Bakı Özəl Türk Litseyində olmuş, tədris prosesinin gedişi ilə tanış olmuş, müəllim heyəti və şagirdlərlə görüşmüşdür. Görüşdə müxtəlif beynəlxalq olimpiadalarda fərqlənmiş və test imtahanlarında yüksək bal toplamış şagirdlərə nazirliyin fəxri diplomları və qiymətli hədiyyələr təqdim olunmuşdur.
Bölmənin digər xəbərləri
