“GƏNCLƏR FORUMU” LAYİHƏSİ HƏYATA KEÇİRİLMİŞDİR
AZƏRTAC xəbər verir ki, dekabrın 4-də “Dan” Beynəlmiləlçi Gənclər İctimai Birliyinin (BGİB) Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi “Gənclər forumu” layihəsinə həsr olunmuş mətbuat konfransı keçirilmişdir.
Tədbirdə Əmək və Əhalinin Sosial Müdafiəsi, Gənclər və İdman nazirliklərinin, BGİB-nin, Gənclər Parlamentinin nümayəndələri iştirak etmişlər.
BGİB-nin sədri Gülarə Teymurova “Gənclər forumu” haqqında məlumat vermişdir. O demişdir ki, forum özündə 50 nəfər gənci birləşdirir. Forumda uşaq evləri və internat məktəblərinin yetirmələri, sağlamlığı məhdud olan gənclər, Gənclər parlamenti və “İrəli” ümumrespublika gənclər təşkilatının üzvləri olan müxtəlif orta və ali məktəb tələbələri iştirak edirlər. Gənclər təhsil, yaşayış yeri, iş və məşğulluq, sağlamlıq və asudə vaxtın təşkili ilə bağlı problemləri araşdırıb, onların həlli yolları ilə bağlı təkliflər vermişlər.
Digər natiqlər forumun əhəmiyyətindən danışmış və bildirmişlər ki, qapalı müəssisələrdə yaşayan, sağlamlıq imkanları məhdud olan gənclərin ictimai fəal gənclərlə birgə fikir mübadiləsi aparmasına, dünyagörüşlərinin artmasına, ilk dəfə olaraq dövlət qurumları ilə birbaşa əlaqə qurmalarına şərait yaradılmışdır.
Bu cür tədbirlərin davam etdirilməsinin zəruriliyi vurğulanmışdır.
Sonda jurnalisltərin sualları cavablandırılmışdır.
Bölmənin digər xəbərləri
