GƏNCLƏR HƏRBİ XİDMƏTƏ HƏVƏSLƏ GEDİRLƏR
AZƏRTAC-ın müxbiri xəbər verir ki, Xanlar rayonunda gəncləri hərbi xidmətə yolasalma mərasimi əsl bayram əhval-ruhiyyəsi ilə keçirilmişdir. Ordu quruculuğu sahəsində əldə olunan nailiyyətlərdən danışan rayonun hərbi komissarı, ağsaqqallar, valideynlər, ehtiyatda olan əsgər və zabitlər 1993-cü ildən sonra ümummilli liderimiz Heydər Əliyevin rəhbərliyi altında yaradılan ordumuzun bu gün torpaqlarımızı işğaldan azad etməyə qadir olduğunu söyləmişlər. Sonra çağırışçılar rayondakı Şəhidlər xiyabanını ziyarət etmiş, üçrəngli bayrağımızın və müqəddəs Quranın altından keçərək hərbi xidmətə yola düşmüşlər.
