GƏNCLƏR VƏ İDMAN NAZİRLİYİNDƏ GÖRÜŞ KEÇİRİLMİŞDİR
Görüşdə hərbçilər arasında bu ilin oktyabrında Bakıda keçiriləcək sərbəst və yunan-Roma güləşi üzrə dünya çempionatına hazırlıq məsələləri müzakirə olunmuşdur. Qonaq bildirmişdir ki, bu mötəbər idman tədbirinə 25 ölkədən 1000-dək pəhləvan, məşqçi və hakim gələcəkdir.
Heydər Əliyev adına İdman Konsert Kompleksində keçiriləcək yarışlar üç gün davam edəcəkdir. Bununla əlaqədar Təşkilat Komitəsinin yaradılması qərara alınmışdır. Komitəyə Hərbçilərin Beynəlxalq İdman Federasiyası, Azərbaycan Gənclər və İdman, Müdafiə nazirlikləri, Milli Olimpiya Komitəsi və Azərbaycan Güləş Federasiyası daxil olacaqdır.
Nazir A.Rəhimov qeyd etmişdir ki, Azərbaycan bu yarışların yüksək səviyyədə keçirilməsinə, eləcə də idmançıların qəbul olunması və yerləşdirilməsinə hazırdır. Bu turnir, iştirak edəcək idmançıların sayına görə, Azərbaycanda bugünədək keçirilən ən mötəbər yarış olacaqdır.
Bölmənin digər xəbərləri
