Gəncliyimiz təbiəti qorumaq üçün birləşir
Bakı, 25 sentyabr (AZƏRTAC). “Bizim Gənclik” İctimai Birliyi tərəfindən reallaşdırılan “Gəncliyimiz təbiəti qorumaq üçün birləşir” layihəsinin yekun tədbiri keçirilib.İctimai Birliyin mətbuat xidmətindən AZƏRTAC-a bildirilib ki, layihənin əsas məqsədi Vətənimizin təbii gözəlliyini, zəngin növ müxtəlifliyini Azərbaycanın hər bir vətəndaşına nümayiş etdirmək, onu necə qorumalı olduğumuzu gənclərin dilindən insanlara çatdırmaq, müxtəlif mənbələrin araşdırılması yolu ilə işğal altındakı torpaqlarımızın hazırkı ekoloji şəraitinin öyrənilməsi idi.
Layihə müddətində hər bir iştirakçı gənc Azərbaycanın bir regionunun ekoloji vəziyyətini araşdırıb. Onlar tərəfindən hazırlanmış araşdırmalar ümumiləşdirilib və bu sahənin mütəxəssislərinin məlumatlarla tanışlığından, müvafiq rəylərindən sonra məlumatlar ssenariləşdirilərək videoçarx hazırlanıb.
Tədbirdə “Gəncliyimiz təbiəti qorumaq üçün birləşir” adlı videoçarx nümayiş etdirildikdən sonra layihədə iştirak edən gənclərin fikirləri dinlənilib.
Sonda fəal gənclər sertifikatla təltif olunublar.
Bölmənin digər xəbərləri
