Gimnastımız İvan Tixonov dünya kuboku yarışlarında bürünc medal qazanıb
Bakı, 31 may, AZƏRTAC
Aerobika gimnastlarımızın Vətəndə dünya çempionu olduqdan sonra daha bir medal xəbəri Bolqarıstanın Varna şəhərindən gəldi.
AZƏRTAC Azərbaycan Gimnastika Federasiyasına istinadla xəbər verir ki, idmançımız Varnada keçirilən idman gimnastikası üzrə dünya kubokunda fərqlənib. Yarışda ölkəmizi idman gimnastikası üzrə yığma komandanın üzvləri İvan Tixonov və Nikita Simonov təmsil ediblər.
Yarışda 3 final mərhələsinə adlamış İ.Tixonov kubok yarışlarının sonuncu günündə dayaqlı tullanma aləti üzrə icra etdiyi çıxışına görə bürünc medal qazanıb. Paralel qollar üzrə finalda isə gimnastımız medalın bir addımlığında dayanıb. Halqalarla nümayiş etdirdiyi proqrama görə 5-ci olub.
Halqalarla yarışda finala adlamış digər gimnastımız N.Simonov isə 6-cı pillədə qərarlaşıb.
Bölmənin digər xəbərləri
