GÖMRÜK ORQANLARI DAHA BİR NARKOQAÇAQMALÇILIQ FAKTININ QARŞISINI ALMIŞLAR
Dövlət Gömrük Komitəsinin (DGK) mətbuat xidmətindən AZƏRTAC-a bildirmişlər ki, bu günlərdə Biləsuvar Gömrük İdarəsinin sərhəd-yük keçid məntəqəsinin gömrük nəzarəti zonasında İrandan tranzit keçməklə Naxçıvandan gələn Azərbaycan vətəndaşı Cəfərov Arif Qasım oğlunun idarə etdiyi “KamAZ” markalı “85 BP 762” dövlət nömrə nişanlı yük avtomobili DGK Gömrük Sahəsində Hüquqpozmalara Qarşı Mübarizə Baş İdarəsinin Əməliyyat İdarəsi əməkdaşları tərəfindən saxlanılmışdır.
Biləsuvar Gömrük İdarəsinin inzibati binasının həyətində keçirilmiş baxış zamanı avtomobilin yanacaq çənində 2 ədəd ödsöndürənin içərisində ümumi çəkisi 10 kiloqram 25 qram olan tiryək aşkar edilərək götürülmüşdür.
Faktla bağlı təhqiqat aparılır.
Bölmənin digər xəbərləri
