GÖMRÜK VƏ SƏRHƏD XİDMƏTİNİN ƏMƏKDAŞLARINA TƏLİM KURSU KEÇİRİLMİŞDİR
Ümumdünya Gömrük Təşkilatının Bakıdakı Regional Tədris Mərkəzində Azərbaycan Dövlət Gömrük Komitəsi, Milli Elmlər Akademiyasının Radiasiya Problemləri İnstitutu, ABŞ-ın Energetika Nazirliyi və Arqon Milli Laboratoriyası tərəfindən gömrük və sərhəd xidmətləri əməkdaşları üçün “Nüvə və ikili təyinatlı materialların xüsusiyyətləri, monitorinq üsulları və onlarla davranış qaydaları” mövzusunda təlim kursu keçirilmişdir.
Komitədən AZƏRTAC-a bildirmişlər ki, üç gün davam edən təlim kurslarında mütəxəssislər tərəfindən nüvə materiallarının yayılmasına və ixracına nəzarət, nüvə yanacaq təşkili, nüvə silahları, hazırlanmış hissələr, sənaye avadanlığı, radioaktiv materialların sərhədlərdə aşkar edilməsi, cavab tədbirləri görülməsi və başqa mövzularda dərslər keçilmiş, əməkdaşlara sertifikatlar verilmişdir.
Bölmənin digər xəbərləri
