GÖRKƏMLİ PİANOÇU GƏNCƏDƏ KONSERT VERMİŞDİR
Gəncədəki kamera orkestrinin konsert salonunda görkəmli pianoçu, SSRİ xalq artisti, professor Fərhad Bədəlbəylinin iştirakı ilə klassik musiqi gecəsi keçirilmişdir. Tədbirdə görkəmli pianoçu ilə birlikdə xalq artisti Rasim Abdullayev və əməkdar artist Azad Əliyev də iştirak etmişlər. Yerli və xarici bəstəkarların əsərlərini böyük məharətlə ifa edən görkəmli ifaçılar dəfələrlə sürəkli alqışlarla qarşılanmışlar.
Professor Fərhad Bədəlbəyli konsertdən sonra AZƏRTAC-ın müxbirinə demişdir ki, respublikamızın bir neçə bölgəsində belə konsertlərin verilməsi planlaşdırılmışdır. Əsas məqsəd regionlarda insanların klassik musiqiyə olan marağını artırmaq, onlarda musiqi duyumunun zənginləşdirilməsinə xidmət göstərməkdir.
Bölmənin digər xəbərləri
