GÖRKƏMLİ TEATR XADİMİNİN 125 İLLİYİ QEYD OLUNMUŞDUR
İştirakçılar muzeyin foyesində yubilyarın həyat və yaradıcılığını əks etdirən fotosərgi ilə tanış olmuşlar.
Bakı Musiqi Akademiyası ilə birlikdə keçirilən tədbiri muzeyin direktoru Alla Bayramova açaraq Azərbaycanda opera teatrının inkişafında və bu sahədə müğənni kadrların yetişdirilməsində Hüseynqulu Sarabskinin əvəzsiz xidmətlərindən danışmışdır.
Bakıda ali musiqi təhsili verən universitetlərin, Mədəniyyət Nazirliyinin, Azərbaycan Bəstəkarlar İttifaqı nümayəndələrinin iştirak etdikləri tədbirdə xalq artistləri Sara Qədimova, bəstəkar, professor Azər Rzayev, Bakı Musiqi Akademiyasının dosenti Fərəh Əliyeva və başqaları görkəmli teatr xadiminin pedaqoji fəaliyyətindən, insanlıq keyfiyyətlərindən danışmış, onunla bağlı xatirələrini söyləmişlər.
Tədbirdə Azərbaycan Dövlət Akademik Opera və Balet Teatrı solistlərinin ifasında klassik operalarımızdan parçalar səsləndirilmiş, muzeyin “Qədim milli musiqi alətləri ansamblı” üzvlərinin ifasında muğam və təsniflər dinlənilmişdir.
Bölmənin digər xəbərləri
