Göyçay: vətəndaş hərtərəfli yoxlanılır, qeydiyyata götürülür və peyvənd olunur
Göyçay, 11 fevral, AZƏRTAC
Göyçay rayonunda vaksinasiyanın ikinci mərhələsi başlanandan bəri yaşı 65-dən yuxarı 173 nəfər vətəndaş peyvənd olunub.
Rayon icra hakimiyyətindən AZƏRTAC-ın bölgə müxbirinə bildirilib ki, COVID-19 infeksiyasına qarşı vaksinasiya üçün xəstəxanaya gələn yaşı 65-dən yuxarı vətəndaşlar həkim müayinəsindən keçərək qeydiyyata götürülür, sonra xüsusi avadanlıqla təchiz edilən otaqlarda peyvənd olunurlar. Peyvənd vurulan vətəndaş 30 dəqiqə həkim müşahidəsində saxlanılır. Peyvəndin hər hansı yan təsiri və allergik reaksiyası olmadıqda vətəndaş evə yola salınır.
Qeyd edək ki, yarana biləcək sıxlığın qarşısını almaq məqsədilə qeydiyyat prosesi randevu.its.gov.az saytında onlayn keçirilir. Onlayn qeydiyyatdan keçə bilməyənlər birbaşa rayon mərkəzi xəstəxanasının infeksion şöbəsinə müraciət edə bilərlər.
Bölmənin digər xəbərləri
