GÖYÇAYDA ƏHALİNİN ƏRZAQ MƏHSULLARI İLƏ TƏMİNATINI YAXŞILAŞDIRMAQ ÜÇÜN TƏDBİRLƏR GÖRÜLÜR
Göyçay, 27 iyul (AZƏRTAC). Prezident İlham Əliyevin “2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramının təsdiq edilməsi haqqında” 2008-ci il 25 avqust tarixli Sərəncamının icrası Göyçayda da uğurla davam etdirilir.
Rayon icra hakimiyyətinin aqrar şöbəsindən bildirmişlər ki, bu məqsədlə təsdiq edilmiş tədbirlər planına uyğun olaraq Göyçay ərazisində şoranlaşmış torpaqların müəyyən edilməsi üçün komissiya yaradılmışdır. Cari ilin altı ayında bu məqsədlə 30,6 min manat vəsait xərclənmiş, ümumilikdə 10,8 min poqonmetr kollektor-drenaj şəbəkələri lil və çöküntülərdən təmizlənmişdir. Əkin sahələrinin suvarma suyu ilə təminatını yaxşılaşdırmaq məqsədi ilə 44,6 kilometr uzunluğunda arxlar lildən təmizlənmiş və onların suötürmə qabiliyyəti yaxşılaşdırılmışdır.
Görülmüş işlər nəticəsində əkin sahəsi 500 hektar artmışdır.
Bölmənin digər xəbərləri
