GTZ-NİN ƏMƏKDAŞLARI CƏNUB BÖLGƏSİNDƏ OLMUŞLAR
GTZ-nin “Özəl sektorun inkişafı” layihəsinin əməkdaşları Ziqfrid Zadnord və İlqar Ümidov sahibkarlığa Kömək Milli Fondundan kreditlərin alınması üçün biznes planlarının hazırlanmasında müəssisələrə kömək göstərmək və digər kredit təşkilatları ilə əlaqə yaratmaq məqsədilə respublikamızın cənub bölgəsinə gəlmişlər. GTZ-nin əməkdaşları bölgənin rayonlarında istehsal sahəsində son üç il ərzində fəaliyyət göstərən özəl müəssisələrin fəaliyyəti ilə yaxından tanış olmuşlar.
Cəmiyyətin əməkdaşı İlqar Ümidov AZƏRTAC-ın müxbirinə bildirmişdir ki, cənub bölgəsində fəaliyyət göstərən özəl müəssisələrin işi ilə yaxından tanış olduqdan sonra kreditlər alınması məqsədilə biznes layihələrinin səmərəliliyini təsdiqləyən biznes planları tərtib edilərək, müvəkkil banklara təqdim olunacaqdır.
Bölmənin digər xəbərləri
