GÜLLƏ ATICILARIMIZ DÜNYA KUBOKUNA TAİLANDDA HAZIRLAŞIRLAR
AZƏRTAC xəbər verir ki, Azərbaycanın güllə atıcılığı üzrə yığma komandasının üzvləri İradə Aşumova və Nigar Bağırova Çində keçiriləcək Dünya Kubokuna hazırlıq məqsədi ilə Tailandın paytaxtı Banqkoq şəhərinə yola düşmüşlər. Orada təqribən iki həftəyədək təlim-məşq toplanışında iştirak edəcək atıcılarımız martın 25-i-aprelin 2-də Pekində təşkil olunacaq Dünya Kuboku yarışlarına qatılacaqlar.
Xatırladaq ki, hər iki idmançı bu yaxınlarda Moskvada başa çatmış Avropa çempionatında iştirak etmişdir. Gənc Nigar Bağırova bu turnirin gümüş medalına layiq görülsə də, Afina yay Olimpiya oyunlarının bürünc mükafatçısı İradə Aşumova yalnız 17-ci ola bilmişdi.
Bölmənin digər xəbərləri
