GÜRCÜSTAN HEÇ BİR SƏNƏDİ İMZALAMAMIŞDIR
AZƏRTAC-ın xüsusi müxbiri xəbər verir ki, MDB Hökumət Başçıları Şurasının Düşənbədə keçirilən iclasında Gürcüstan heç bir sənədi imzalamamışdır. Bu haqda Şuranın iclası başa çatdıqdan sonra jurnalistlərə Gürcüstan Baş nazirinin müavini Georgi Baramidze məlumat vermişdir. O bildirmişdir ki, biz indi MDB-də qalıb-qalmamağın məqsədəuyğunluğu üzərində iş aparırıq. Bununla belə, hələ konkret qərar qəbul etməmişik. Bizim üçün əsas məsələ iqtisadi əlaqələrin genişləndirilməsidir. Rusiya isə gürcü şərabı və “Borjomi” suyunu almaqdan imtina etmişdir.
Georgi Baramidzenin sözlərinə görə, Gürcüstan Prezidenti Mixail Saakaşvilinin MDB Dövlət Başçılarının növbəti Sammitində iştirak edib-etməyəcəyi məlum deyildir.
Bölmənin digər xəbərləri
