Gürcüstan KİV-ləri Avropa İttifaqı Şurasının Prezidentinin Azərbaycana səfərinə geniş yer ayırıb
Tbilisi, 19 iyul, AZƏRTAC
Azərbaycan Respublikasının Prezidenti İlham Əliyevin və Avropa İttifaqı Şurasının Prezidenti Şarl Mişelin iyulun 18-də Bakıda keçirdikləri birgə mətbuat konfransı Gürcüstan KİV-lərinin diqqət mərkəzində olub.
AZƏRTAC xəbər verir ki, Gürcüstanın nüfuzlu 24News.ge, interpress.ge informasiya portalları Azərbaycan Prezidentinin və Avropa İttifaqı Şurası Prezidentinin mətbuat konfransında söylədikləri fikirləri olduğu kimi oxuculara təqdim ediblər.
Materiallar AZƏRTAC-a istinadla yayımlanıb.
Bundan başqa, interpress.ge, aktual.ge informasiya portalları Azərbaycan Prezidenti İlham Əliyevin və Avropa İttifaqı Şurasının Prezidenti Şarl Mişelin çıxışlarından maraqlı hissələrdən ayrı-ayrı xəbərlər hazırlayıblar.
Ümumiyyətlə Gürcüstan KİV-ləri Avropa İttifaqı Şurasının Prezidenti Şarl Mişelin Azərbaycana səfəri, keçirdiyi görüşləri barədə çoxsaylı məlumatlar yayıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
