Gürcüstan portalı Azərbaycan Prezidentinin BMT nümayəndəsi ilə görüşündən yazıb
Tbilisi, 7 mart, AZƏRTAC
Gürcüstanın “24News.ge” portalı Azərbaycan Respublikasının Prezidenti İlham Əliyevin BMT-nin Məskunlaşma Proqramının icraçı direktoru Maimuna Mohd Şərifi qəbul edərkən söylədiyi fikirlər barədə material yayıb.
AZƏRTAC xəbər verir ki, materialda Azərbaycan Prezidenti İlham Əliyevin işğaldan azad olunmuş ərazilərdə həyata keçirilən quruculuq işləri, Qarabağın və Zəngəzurun cənnətə çevriləcəyi barədə fikirləri əksini tapıb.
Xəbərdə məşhur qeyri-hökumət təşkilatlarının, beynəlxalq fondların Qarabağ və Zəngəzurda baş verənlərə göz yumduğu bildirilir. Azərbaycanın indiyə qədər nə beynəlxalq təşkilatlardan, nə də dünyanın heç bir ölkəsindən beynəlxalq yardım olaraq bir dollar belə almadığı da materialda xüsusi qeyd edilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
