Gürcüstanda 336 nəfər koronavirusa yoluxan var
Tbilisi, 16 aprel, AZƏRTAC
Gürcüstanda koronavirusa yoluxanların sayı son 24 saat ərzində 30 nəfər artıb.
AZƏRTAC xəbər verir ki, bu barədə Gürcüstan hökumətinin rəsmi stopcov.ge saytında məlumat yerləşdirilib.
Bildirilir ki, aprelin 16-da səhər saatlarında Gürcüstanda COVID-19 virusuna yoluxanların sayı 336 nəfər təşkil edib.
Hazırda karantində 5000 nəfər, stasionarda isə 494 nəfər var.
Bu günədək ölkədə koronavirusa yoluxmuş 74 nəfər sağalıb, 3 nəfər dünyasını dəyişib.
Qeyd edək ki, xaricdə koronavirusa yoluxmuş daha 3 nəfər müalicə üçün Gürcüstana gətirilib.
Xarici ölkələrdə COVID-19 virusundan ölən Gürcüstan vətəndaşlarının sayı 9 nəfərə çatıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
