GÜRCÜSTANDA AZƏRBAYCAN ALİMİNİN KİTABININ TƏQDİMAT MƏRASİMİ KEÇİRİLMİŞDİR

26.05.2006 [13:45]
Çap et
A⁺ A^-

AZƏRTAC-ın xüsusi müxbiri xəbər verir ki, Gürcüstan Texniki Universitetində Bakıdakı Xəzər Universitetinin rektoru, professor Hamlet İsaxanlının “Bu da bir həyatdır” şeirlər kitabının gürcü dilinə tərcüməsinin təqdimat mərasimi keçirilmişdir.

Mərasim iştirakçıları əvvəlcə Azərbaycan aliminin həyat və fəaliyyətinə həsr olunmuş sənədli filmə baxmışlar. Sonra fəlsəfə elmləri doktoru, professor Camal Mustafayev, İ.Cavaxişvili adına Tbilisi Dövlət Universitetinin professoru Amiran Qomarteli, tələbə Oqtay Kazımov, Gürcüstan Texniki Universitetinin rektoru Ramaz Xurodze və başqaları H.İsaxanlının elmi araşdırmalarından, poeziyasından söhbət açmışlar.

H.İsaxanlı tədbirin təşkilatçılarına minnətdarlıq etmişdir.