Gürcüstanda dizel yanacağının qiyməti bahalaşıb
Tbilisi, 18 sentyabr, AZƏRTAC
Gürcüstanda bəzi yanacaqdoldurma məntəqələrində yanacağın qiyməti artıb.
AZƏRTAC xəbər verir ki, artım əsasən dizel yanacağında qeydə alınıb. Hazırda bəzi yanacaqdoldurma məntəqələrində dizel yanacağının qiyməti 5 tetridən çox bahalaşıb. Benzinin qiymətində isə hələlik artım qeydə alınmayıb.
Gürcüstanın Neft Məhsulları İdxalçıları Birliyi dizelin bahalaşmasını son günlər beynəlxalq bazarda yanacağın qiymətinin artması ilə əlaqələndirib.
İqtisadçı ekspertlərin fikrincə, yaxın günlərdə benzinin və təbii qazın da qiymətində artım olacaq, eyni zamanda, yaxın günlərdə gündəlik tələbat və istehlak mallarının da qiyməti bahalaşacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
