Gürcüstanda koronavirusa yoluxanların sayı 115 minə çatır
Tbilisi, 25 noyabr, AZƏRTAC
Gürcüstanda son sutka ərzində daha 3071 nəfərdə koronavirus təsdiqlənib, 3366 nəfər bu xəstəlikdən müalicə olunub, 34 nəfər isə pandemiyanın qurbanı olub.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat verilib.
Bildirilir ki, bununla da ölkədə COVID-19-a yoluxanların ümumi sayı 114 min 889-a, pandemiya qurbanlarının sayı isə 1085-ə çatıb. Virusa yoluxanların 95 581-i sağalıb.
Hazırda Gürcüstanda 2071 nəfər karantin rejimində, 6145 nəfər stasionar nəzarətdə saxlanılır.
Xəstəliyi yüngül keçirən 3723 nəfər isə xüsusi otellərdə müalicə olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
